БНХАУ-д албан ёсны айлчлал хийж буй Ерөнхий сайд Л.Оюун-Эрдэнийн айлчлалын талаар Хятадын GGTN мэдээллийн агентлаг онцолжээ. Тус мэдээлэлд Монгол Улсын Ерөнхий сайд Лувсаннамсрай Оюун-Эрдэнэ БНХАУ-ын Төрийн Зөвлөлийн Ерөнхий сайд Ли Цяны урилгаар тус улсад албан ёсны айлчлал хийж байна. CGTN-ийн Sun Ye мэдээлэв.
Тодруулбал, "Монгол Улсын Ерөнхий сайд Лувсаннамсрай Оюун-Эрдэнэ 2023 оны зургаадугаар сарын 26-ны өглөө Бээжингийн олон улсын нисэх буудалд газардлаа. Тэрээр Хятадын Төрийн Зөвлөлийн Ерөнхий сайд Ли Цяны урилгаар ирсэн бөгөөд энэ долоо хоногт Барбадос, Шинэ Зеланд, Вьетнамын Ерөнхий сайд нар зэрэг дэлхийн бусад удирдагчдын хамт Тяньжин хотноо болох Зуны Давосын чуулга уулзалтад оролцох юм.
Хятад, Монгол хоёр орон бат бэх харилцаатай. Өнгөрсөн арваннэгдүгээр сард Монгол Улсын Ерөнхийлөгч БНХАУ-д айлчилсан. БНХАУ-ын дарга Ши Жиньпинтэй хэлэлцээ хийхдээ хоёулаа энх тайвнаар зэрэгцэн орших, эв нэгдэлтэй, хамтдаа ялалт байгуулах хамтын ирээдүйн төлөө хамтдаа зүтгэнэ гэдгээ амласан билээ.
Өнгөрсөн жилийн тус айлчлалын үеэр дарга БНХАУ-ын дарга Ши Жиньпин Улаанбаатар хот 2030 он гэхэд нэг тэрбум мод тарих төлөвлөгөөнд талархаж буйгаа илэрхийлж, Бээжин цөлжилттэй тэмцэхэд хамтран ажиллахад бэлэн байгаагаа илэрхийлсэн. Мөн энэ жил хоёр улс хаврын улиралд ширүүн элсэн шуургатай тулгарсан тул Хятад, Монголын байгаль орчны зохицуулалтын талаар дахин онцлон хэлэлцэхээр боллоо” гэжээ.
ВИДЕО:
