Цас орсонтой холбоотойгоор нийслэлийн хэмжээнд шөнийн 04:00 цагаас эхлэн тохижилт, үйлчилгээний байгууллагууд хариуцсан гудамж, зам талбайн цасыг цэвэрлэж, давс, бодис цацан ажиллаж байгааг НЗДТГ-аас мэдээллээ.
Нийслэлийн хэмжээнд нийтийн эзэмшлийн гудамж, зам, талбайн 13.2 сая ам метр талбайн цэвэрлэгээнд 955 хүн ажилладаг байна. Үүнд гэр хорооллын зам ороогүй. Стандартаараа нэг хүн өдөрт 10 мянган ам метр талбай цэвэрлэх нормтой байдаг ч хүн хүчний хүрэлцээ хомс, нэг хүн 13 мянган ам метр талбай цэвэрлэж байна. Иймд иргэд, олон нийт, аж ахуйн нэгж, байгууллагуудыг халтиргаа гулгаа үүсэхээс урьдчилан сэргийлж ойр орчмын 50 метр хүртэлх зам талбайг цэвэрлэхийг НЗДТГ-аас уриаллаа.
