УИХ-ын гишүүн Ц.Анандбазар зарим охид, эмэгтэйчүүдэд бэлгийн дарамт үзүүлсэн байж болзошгүй асуудалд холбогдсон. Тиймээс түүнийг шалгуулахаар "Ме Too" хөдөлгөөн болон иргэн Б.Сүндэръяа цагдаагийн байгууллагад өргөдөл гаргасны дагуу хэрэг бүртгэл нээн, мөрдөн шалгах ажиллагаа эхлүүлсэн байдаг. Гэвч Нийслэлийн прокурорын газраас хэргийг хаах саналтайгаар Улсын ерөнхий прокурорын газар /УЕПГ/-т ирүүлсэн байна. Улмаар УЕПГ-аас хянаад "нэмэлт хэрэг, бүртгэл явуулахыг даалган, буцаасан" талаар тус газрын Олон нийттэй харилцах албанаас мэдээллээ.
